Қорық аумағын шектеулі мөлшерде және туристік мақсатта пайдалану

Алматы мемлекеттік табиғи қорығы аумағында туризмге рұқсат жоқ. Экологиялық соқпақ, оқыту – ағартушылық және ғылыми – танымдық экскурсиялар өткізу мақсатында қолданылады.

Экологиялық соқпақтардың қысқаша сипаттамасы.

Экскурсияның мақсаты; қорық аймағындағы таулы белдеулерде тіршілік ететін жануарлар мен өсімдіктер әлемі, оның тіршілгі жайлы таныстырумен қатар танымдық экскурсияларды өткізу барысында қолданылады. Қорықта 3 экологиялық соқпақ бар. Тек олар өзінің танымдылығымен ерекшеленеді, яғни, оның ішінде «Есік өзені», «Сол» және «Оң Талғар» соқпағы. Әр соқпақтың өзінің шекті мөлшері мен ауыртпалығы бар.

«Сол Талғар» соқпағы – Сол Талғар шатқалы бойымен өтеді. Соқпақ теңіз деңгейінен 1250м биіктікте орналасқан. Қорықты бақылау - тексеру бекетінен басталады. Саяхат ары қарай жаяу жол соқпағымен жалғасады. Ұзындығы 6,5 шақырым. Бұл бағыт көптеген көпірлер арқылы «Үлкен бұлақ» басында аяқталады. Соқпақ бойында табиғаттың тамаша жерлері, құлама құздар, қылқан жапырақты және жалпақ жапырақты ормандарды көруге болады. Сол маңда еліктер, таутекелер және ілбіс мекендейді. Соқпақ маусым бойынша 60 топ, әр топта 20 адамнан қабылдайды және ұзақтығы 5 – 6 сағатқа созылады.

«Оң Талғар»  соқпағы – Оң Талғар шатқалы бойымен 2 тармаққа бағытталған. Оның бір тармағы «Монахов», екіншісі – «Үш Құмыраға» бағытталған. Жалпы жол ұзақтығы 10,425 шақырым. Жүріп өту уақыты, 3 сағаттан 8 сағатқа жоспарланған. Ол негізінен серуендеушілердің құрамына байланысты. Монахов бағытымен денсаулығы мықты әрі ересек оқушылар жүре алады. Өйткені бұл шатқалда кедергілер көп кездеседі. Ал, Үш Құмыра бағытымен ұзақ уақыт жоғары көтерілуге шыдамды саяхатшылар ғана жүріп өте алады. Соқпаққа маусым бойынша  60 топ, 20 адамнан қабылдай алады.

«Есік көлі» экологиялық соқпағы. Есік шатқалымен өтеді. Ұзақтығы 9,6 шақырым. Жүріп өту уақыты – 1 күнге созылады. Есік көлі 1963 жылы болған күшті су тасқынынан өзгеріске ұшыраған. Есік көлі өзінің ерекше көріністерімен және көз тартар әдемілігімен де келушілерді қызықтырады. Соқпақ бағытпен кез – келген экскурсанттар жүріп өтуіне болады. Соқпақ маусым бойынша 60 топ (әр топ 20адамнан) қабылдай алады.

Жалпы экологиялық соқпақтардың ұзақтығы – 26,5 шақырымды құрайды.