2025 жылдың 27 наурызында Алматы қорығының ғылым, ақпарат және мониторинг бөлімінің қызметкерлері
Оң Талғар шатқалында көктемнің алғашқы гүлдерін зерттеу бойынша далалық жұмыстар жүргізді. Мониторинг барысында Қызыл кітапқа енген Иридодиктиум Колпаковский (лат. Iridodictyum kolpakowskianum) өсімдігі анықталды, бұл – құртқашаштар тұқымдасының өкілі. Бұл эндемик Орталық Азия аймақтарында кең таралған және биіктігі 10-25 см-ге дейін жетеді. Иридодиктиум мол гүлдеу үшін күн жақсы түсетін, су тұрып қалмайтын құрғақ топырақты жерлерді ұнатады. Көктемнің басында, табиғат қысқы ұйқыдан енді ояна бастаған кезде гүлдей отырып, жарқырап кулпырған гүлдері әлі оянбаған өсімдіктердің арасында жылу мен жаңарудың алғашқы және көптен күткен хабаршыларының біріне айналады. Алматы қорығында Қызыл кітапқа енген бұл өсімдіктің өсуі оның экожүйесінің жақсы жағдайда екенін және флораның бірегейлігінің сақталғанын білдіреді.
https://bioreserve-almaty.kz/kz/zha-aly-tar/1099-kolpakovskij-iridodiktiumy-lat-iridodictyum-kolpakowskianum.html#sigProId075093c76a
UNESCO/MAB
Қазақстан Республикасы Экология және табиғи ресурстар министрлігі