Жаңалықтар

«Таза болса табиғат – аман болар адамзат!»

«Алматы мемлекеттік табиғи қорығы” республикалық мемлекеттік мекемесі «Парктер шеруі – 2024» табиғатты қорғау акциясы 1 сәуір – 5 маусым аралығында өткізілетінін хабарлайды.

ЖАЛПЫ ЕРЕЖЕ‼️

Парктер шеруі – бұл жыл сайын өткізілетін, қоғамдық сипаттағы Халықаралық, ауқымды табиғат қорғау акциясы, қорғалатын табиғи аумақтарды (қорықтар, ұлттық парктер мен табиғи ескерткіштер) қолдау идеясының айналасына бей-жай қарамайтын барлық адамдарды біріктіреді.

Акцияның мақсаты – қоғамның ЕҚТА-ғa оң көзқарасын қалыптастыру, қоғамды қоршаған ортаны қорғау тарту және тұрғындар мен жасөспірімдердің экологиялық сауаттылығын арттыру. Отандастарымыздың санасында ұлттық байлығымыз үшін мақтаныш сезімін ояту. Экологиялық тепе – теңдік адамзаттың өмір сүруінің қажетті шарты.

Іс-шаралардың бағыты мен сипаты:

а) ақпараттық – ағартушылық, немесе танымдық – конференциялар, көрмелер, дөңгелек үстелдер, семинарлар, дәрістер, арнайы сабақтар, әңгімелер, Фильмдер көрсетілімдері, БАҚ-та сөз сөйлеу және т.б;

б) практикалық – ағаштар мен бұталарды отырғызу және бұзылған табиғи учаскелерді қалпына келтіру, бұлақтарды тазарту және т.б;

в) зерттеушілік – құнды табиғи кешендер мен аумақтардың, жасыл аймақтардың жай – күйін бағалау, қоғамдық, экологиялық, мониторинг және т.б;

г) үгіт – насихат – жастар үгіт бригадаларының сөз сөйлеуі, қорғалатын табиғи аумақтарды қолдау үшін қайырымдылық, қаражат жинау, мамандандырылған фандрайзингтік акциялар және т.б;

д) конкурстық – шығармашылық, конкурстар, викториналар, олимпиадалар және т.б;

е) мерекелік – көше шерулері, театрландырылған қойылымдар, фестивальдар, белсенді қатысушыларды марапаттау мен қорытынды іс-шаралары және т.б.

Акциялардың тақырыптық шектеулері бар. «Парктер шеруі» іс-шаралары ерекше қорғалатын табиғи аумақтарға тікелей байланысты болуы керек: олар туралы ақпараттың таралуына ықпал ету, оларга назар аударту және нақты көмек беру. “Парктер шеруі” тікелей қорғалатын табиғи аумақтар – қорықтарға арналған. Акция басынан қорықтар осы мерекеде тек қонақ ретінде шақырылған.